Бош орундар

Администрациялык мамлекеттик бош кызмат орундарына ачык конкурс жарыялайт. Вакансиянын ачык мөөнөтү: 10.07.2018

Кыргыз Республикасынын Өкмөтүнө караштуу жергиликтүү өз алдынча башкаруу иштери жана этностор аралык мамилелер боюнча мамлекеттик агенттиги, Этностор аралык мамилелер боюнча башкармалыктын коомдук бирикмелер менен иштөө бөлүмүнө – башчы бош мамлекеттик административдик кызмат ордуна, Агенттиктин ички кадрлар резервинде турган жана Улуттук кадрлар резервинде турган адамдардын арасында конкурс жарыялайт.

Документтер 2018-жылдын 10-июлу саат 18-00 гө чейин кабыл алынат. Дареги Киев көч. 96 «Б» 4 кабат, 414 каб.   тел:62-25-06.

Администрациялык мамлекеттик бош кызмат орундарына ачык конкурс жарыялайт. Вакансиянын ачык мөөнөтү: 25.12.2017

Кыргыз Республикасынын Өкмөтүнө караштуу жергиликтүү өз алдынча башкаруу иштери жана этностор аралык мамилелер боюнча мамлекеттик агенттиги администрациялык мамлекеттик бош кызмат орундарына ачык конкурс жарыялайт.

Административдик мамлекеттик жарандык кызмат орундарына жалпы квалификациялык талаптар:

  • Кыргыз Республикасынын Конституциясын;
  • Кыргыз Республикасынын «Кыргыз Республикасынын Өкмөтү жөнүндө» конституциялык Мыйзамын;
  • Кыргыз Республикасынын Эмгек кодексин;
  • Кыргыз Республикасынын мыйзамдарын: «Мамлекеттик жарандык кызмат жана муниципалдык кызмат жөнүндө», «Мамлекеттик жана муниципалдык кызмат орундарын ээлеп турган же ээлеген адамдардын кирешелерин, чыгымдарын, милдеттенмелерин жана мүлкүн декларациялоо жөнүндө», «Жарандардын кайрылууларын кароо тартиби жөнүндө», «Кыргыз Республикасынын ченемдик укуктук актылары жөнүндө», «Эркектер жана аялдар үчүн бирдей укуктардын жана бирдей мүмкүнчүлүктөрдүн мамлекеттик кепилдиктери жөнүндө», «Кыргыз Республикасынын мамлекеттик тили жөнүндө», «Коррупцияга каршы аракеттенүү жөнүндө», «Кыргыз Республикасынын мамлекеттик органдарынын жана жергиликтүү өзалдынча башкаруу органдарынын карамагында турган маалыматтарга жетүү жөнүндө»;
  • Кыргыз Республикасынын Өкмөтүнүн токтомдорун: 2013-жылдын 10-июнундагы № 341 «Кыргыз Республикасынын Өкмөтүнүн Регламенти жөнүндө», 2012-жылдын 23-июлундагы № 517 «Кыргыз Республикасында иш кагаздарын жүргүзүү боюнча типтүү нускаманы бекитүү тууралуу», 2013-жылдын 8-майындагы № 258 «Кыргыз Республикасынын Өкмөтүнө караштуу Жергиликтүү өз алдынча башкаруу иштери жана этностор аралык мамилелер боюнча мамлекеттик агенттигинин маселелери жөнүндө»;
  • Мамлекеттик жарандык кызмат жана муниципалдык кызмат боюнча Кеңештин 2016-жылдын 19-августундагы № 43 токтому менен бекитилген Кыргыз Республикасынын мамлекеттик жана муниципалдык кызматкерлеринин этика кодекси.

ЖЕРГИЛИКТҮҮ ӨЗ АЛДЫНЧА БАШКАРУУ  ОРГАНДАРЫ МЕНЕН ӨЗ АРА КЫЗМАТТАШУУ БӨЛҮМҮ

 

БАШКЫ АДИС - ЖӨБЭММАнын Жалал-Абад облусу боюнча өкүлү (С-Б категориясы) – 1 бирдик

Туруктуу иштеген жери Жалал-Абад ш.

1. Кесиптик билими:

- багыты боюнча жогорку: экономика жана башкаруу (экономика, мамлекеттик жана муниципалдык башкаруу адистиги боюнча болсо жакшы), гуманитардык илимдер (конфликтология, саясат таануу, эл аралык мамилелер, диндерди таануу, аймак таануу), табигый илимдер, техникалык, архитектура жана курулуш, техносфералык коопсуздук, айыл чарба.

2. Иш стажы жана тажрыйбасы:

- мамлекеттик жана/же муниципалдык кызматтагы жыйынды стажы 1 жылдан кем эмес же тиешелүү кесиптик чөйрөдө 3 жылдан кем эмес иш стажы.

3. Кесиптик компетенттүүлүгү:

Билүүсү:

  • Кыргыз Республикасынын мыйзамдары: «Жергиликтүү өз алдынча башкаруу жөнүндө», «Жергиликтүү мамлекеттик администрация жөнүндө», «Кыргыз Республикасынын администрациялык-аймактык түзүлүшү жөнүндө», «Мүлккө муниципалдык менчик жөнүндө», «Жергиликтүү кеңештердин депутаттарынын статусу жөнүндө», «Аксакалдар соту жөнүндө», «Жамааттар жана алардын бирикмеси жөнүндө»;
  • кызматтык милдеттерди аткаруу үчүн керектүү болгон өлчөмдө мамлекеттик жана расмий тилдерди билүүсү;

Ыктуулугу:

  • маалыматты жыйноо, талдоо, системага келтирүү жана жалпылоо;
  • аналитикалык документтерди даярдоо;
  • тиешелүү чөйрөдөгү ата-мекендик жана чет өлкөлүк тажрыйбаны талдоо жана практикада колдонуу;
  • кесиптештери менен натыйжалуу кызматташуу;
  • иштиктүү сүйлөшүүлөрдү жүргүзүү;
  • эмгектин жаңы шартына көнүү.

Көндүмдөрү:

  • ченемдик укуктук актылар менен иштөө жана аларды практикада пайдалануу;
  • ишти пландаштыруу жана жумуш убакытын туура бөлүштүрүү;
  • башкаруучулук чечимдерди ыкчам жүзөгө ашыруу;
  • компьютердик жана уюштуруу техникаларды, керектүү программаларды колдоно билүү.

УЮШТУРУУ ИШТЕРИ, ЖЕРГИЛИКТҮҮ ӨЗ АЛДЫНЧА БАШКАРУУ ОРГАНДАРЫНА УСУЛДУК ЖАНА МААЛЫМАТТЫК КОЛДОО КӨРСӨТҮҮ БАШКАРМАЛЫГЫ

ЖЕТЕКТӨӨЧҮ АДИС – ЖӨБЭММАнын Талас облусу боюнча өкүлү (М-А категориясы) – 1 бирдик

Туруктуу иштеген жери Талас ш.

1. Кесиптик билими:

- багыты боюнча жогорку: экономика жана башкаруу (экономика, мамлекеттик жана муниципалдык башкаруу адистиги боюнча болсо жакшы), гуманитардык, табигый илимдер, техникалык, архитектура жана курулуш, эл аралык мамилелер, техносфералык коопсуздук, айыл чарба.

2. Иш стажы жана тажрыйбасы:

- иш стажына талап коюлбайт.

3. Кесиптик компетенттүүлүгү:

  • Кыргыз Республикасынын мыйзамдары: «Жергиликтүү өз алдынча башкаруу жөнүндө», «Жергиликтүү мамлекеттик администрация жөнүндө», «Кыргыз Республикасынын администрациялык-аймактык түзүлүшү жөнүндө», «Мүлккө муниципалдык менчик жөнүндө», «Жергиликтүү кеңештердин депутаттарынын статусу жөнүндө», «Аксакалдар соту жөнүндө», «Жамааттар жана алардын бирикмеси жөнүндө»;
  • кызматтык милдеттерди аткаруу үчүн керектүү болгон өлчөмдө мамлекеттик жана расмий тилдерди билүүсү.

Ыктуулугу:

  • жогору турган жетекчилердин тапшырмаларын сапаттуу аткаруу;
  • документтерди, маалыматтарды, суроо-талаптарга жоопторду сапаттуу даярдоо;
  • тиешелүү чөйрөдөгү ата мекендик жана чет өлкөлүк тажрыйбаны талдоо жана аны практикалык иште колдонуу;
  • кызматтык милдеттерге ылайык өз ишин натыйжалуу пландаштыруу;
  • жарандардын кайрылууларын кароо жана жоопторду даярдоо;
  • мамлекеттик жана/же расмий тилдерде иштиктүү кат алышуу;
  • командада иштөө.

Көндүмдөрү:

  • ченемдик укуктук актылар менен иштөө жана аларды практикада пайдалануу;
  • компьютердик жана уюштуруу техникаларды, керектүү программалык продукттарды колдоно билүү.

Конкурска катышуу үчүн керектүү документтердин топтому делого тиркөө менен төмөнкүлөрдү камтыйт:

  •  жеке арызын, кадрларды каттоо баракчасын, өмүр баянын (соттолгондугу же соттолбогондугу жөнүндө маалыматты көрсөтүү менен), резюмени, сүрөтүн;
  •  паспорттун көчүрмөсүн;
  • керектүү кесиптик билимин, эмгек стажын жана квалификациясын ырастаган документтерин (эмгек китепчесинин, билими, квалификациясын жогорулаткандыгы, илимий даража же илимий наам берилгендиги жөнүндө документтеринин көчүрмөлөрү нотариустан же иштеген жериндеги персоналды башкаруу кызматы тарабынан күбөлөндүрүлөт);
  •  сунуш каттарын;

Белгиленген талаптарга туура келбеген документтерди жана маалыматтарды көрсөткөн жарандарга конкурска катышууга уруксат берилбейт.

Конкурстун катышуучулары Агенттиктин административдик жана кадр иштери боюнча бөлүмүнө документтерин официалдуу жарыяланган күндөн баштап 10 иш күн ичинде тапшыруусу зарыл. Дареги Бишкек шаары Киев көчөсү 96 “Б” 4 кабат. Байланыш телефону: 62-25-06

Вверх